Disney kjøper Pixar for 7,4 milliardar dollar

Målform: Nynorsk - Dato: 25. januar 2006 - Oppdater siden - Rediger artikkelen - Flere nyheter

Kultur
Relaterte saker
Mer informasjon om kultur på Wikipedia:


Hovedinngangen til Pixar Animation Studios i Emeryville, California
Foto: P.gobin

USA: Disney sitt kjøp av animasjonsgiganten Pixar inneber ei heilomvending for grunnleggjaren av Apple, Steve Jobs, som eig meir enn halvparten av Pixar. Kjøpet inneber at Jobs får ein plass i styret i Disney, melder BBC News.

Pixar har hatt ein distribusjonsavtale med Disney som skulle ha gått ut i slutten av året. Sidan føretaka ikkje har komme overeins om korleis vinsten skulle delast i samband med ein ny avtale, såg det ut som Disney og Pixar ville splittast.

Når no Disney kjøper Pixar for 7,4 milliardar dollar inneber det ei heilomvending. Den noverande sjefen i Disney, Robert Iger, har lukkast med å løyse konflikta mellom Steve Jobs og den tidlegare sjefen i Disney, Michael Eisner.

- Med transaksjonen ynskjer vi velkommen den unike kulturen på Pixar, som på to tiår har skapt nokre av dei mest innovative og framgongsrike filmane i historia, uttala Iger.

Disney skal ha tent omkring 3,2 milliardar dollar på Pixar sine seks filmar, men mange analytikarar meiner den store fortenesta ligg i att Disney får tilgong til den kreative krafta som finst hjå Pixar.

John Lasseter, mannen som pleier å få æra for den kreative atmosfæren på Pixar, kjem gjennom kjøpet ikkje berre til å bli sjef for animasjonssegmentet til Disney, men òg for Walt Disney Imagineering som står bak førnøyelsesparkane til Disney.

KjelderRediger



 Denne nyhetssaken er en kort telegramartikkel. Vet du mer om nyhetssaken, kan du hjelpe til med å utvide den.

Lurer du på hvordan du kan gjøre artikkelen bedre? Se Hvordan skrive en artikkel